నమో సూర్యనారాయణా

చలికి గిజ గిజలాడు చంచల పుడమిని
తన కవోష్ణ కిరణ బాహులను పొదివి ర
మించు సూర్యనారాయణు మించు ప్రేమ
కథకు మకర సంక్రమణ సాక్ష్యమ్ము సుమ్ము .

ఉత్తరాయణ పుణ్య భానూర్థ్వ కిరణ
జనిత జీవమ్ములంది ప్రజ్జ్వలత పొంది
భూమిపై జీవజాలమ్ము స్ఫూర్తి నొందు
శుభ సమయ సంక్రమణ మిది , శోభనమ్ము .

నిన్న శనివారం యాదాద్రి నరసింహుని దర్శన భాగ్యం లభించింది

చేరి భీకరమైన సింహ ముఖమ్మున
దంష్ట్రల కోరలు దడలు పుట్ట
గట్టు గట్టంతయు గడడగడ వణకంగ
అరుపుల రౌద్రంబు లురులు చుండ
రక్కసు నుఱము చీల్చ నురికిన నల్ల
పారి చారలు గట్టి జారుచుండ
ఉగ్రత తగ్గించ నుదధి కన్యక చేరి
తొడమీది కెక్కి చేతులు మొగిడ్చ

కాస్త శాంతించి  యాదాద్రి గట్టు మీద
రక్షగా నిల్చి  జగములు గ్రాల  కాచు
లక్ష్మి నరసింహు దర్శించి ప్రణతు లిడితి
నిన్న శనివార మనుభూతి యెన్న తరమె !